Skráning á sumarnámskeið Umsjónarfélags einhverfra hefst í dag, 20. apríl.  Smellið á “Skráning á sumarnámskeið 2011″ hér fyrir ofan.

Skráningin verður opin í tvær vikur, til 6. maí.  Við hvetjum ykkur til að skrá sem fyrst og tilgreina sem best það sem spurt er um í skráningarforminu.  Ef eitthvað er óljóst, þá skuluð þið senda tölvupóst á einhverf@vortex.is eða hringja i Sigrúnu í síma 8972682.

Kær kveðja,

Umsjónarfélag einhverfra.

Stefnt er að því að halda þrjú sumarnámskeið fyrir unglinga 12-18 ára í júní og júlí.  Verða þau með svipuðum hætti og í fyrrasumar, þ.e. tvær vikur hvert námskeið, haldin í Valhúsaskóla á Seltjarnarnesi.  Gert er ráð fyrir 12-14 einstaklingum á hverju námskeiði og 4 starfsmönnum. Er þetta samstarfsverkefni Soroptimistafélags Reykjavíkur og Umsjónarfélags einhverfra. Skráning á sumarnámskeiðin   hefst 20. apríl.  Námskeiðin verða 20.6-1.7, 4.7-16.7 og 18.7-29.7.  Námskeiðisgjald verður kr. 20.000,-

Skráningin verður opin til 6. maí.  Við hvetjum ykkur til að skrá sem fyrst eftir að skráning opnar og tilgreina sem best það sem spurt er um í skráningarforminu.  Ef eitthvað er óljóst, þá skuluð senda tölvupóst á netfangið einhverf@vortex.is eða hringja i Sigrúnu í síma 8972682.

Í dag er Dr. Temple Grandin eftirsóttur og vinsæll fyrirlesari og einnig höfundur fjölda bóka um líf einhverfra.  Ég rakst á þennan frábæra fyrirlestur hennar á TED-ráðstefnunni, sem er fræðandi, fyndinn og hjartnæmur.  Mér þykja kenningar hennar um hugarstarfsemi einhverfra sérstaklega áhugaverðar og þætti gaman að heyra álit annarra.

Grandin talar um að flestir á einhverfurófinu eigi það sameiginlegt að hugsa, skynja og greina smáatriði fremur en heildina og eigi þ.a.l. erfitt með meðtaka nýjar aðstæður eða lærdóm, fyrr en búið er að vinna úr öllum smáatriðum sem hugurinn meðtekur fyrst.  Þvínæst setur hún fram 3 flokka um mismunandi heilastarfsemi hjá einhverfum:

1. Ríkjandi sjónræn hugsun:  Sterkt sjónrænt minni og hugsun, sterk rýmisgreind.  Veikara minni orða og afstæðra hugtaka.  Dæmi:  Slíkur einstaklingur á erfitt með að læra algebru, en mun sterkari á rúmfræði og þríhyrningafræði.  Þannig að spurningin er ekki hvort viðkomandi sé sterkur eða veikur í stærðfræði, heldur hvers konar stærðfræði liggi vel fyrir viðkomandi.
2. Ríkjandi mynsturshugsun: Hugsar í mynstrum og innbyrðis tengslum, þess sér oft dæmi í teikningum eða föndri sem byggja á mynstrum í litum, formum eða stærðum.  Einnig liggur stærðfræði, skák, forritun og tónlist vel fyrir þessum einstaklingum, en eiga stundum erfitt með lestur.
3. Ríkjandi orðahugsun:  Þessir einstaklingar heillast gjarnan að sögu, tungumálum, veðurathugunum og hlutabréfamörkuðum, þ.e. allt sem lítur að orðum og staðreyndum.  (Nú rifjast upp lýsingar á Þórbergi Þórðarsyni úr bókinni “Í forheimskunnarlandi” eftir Pétur Gunnarsson.  Þórbergur hélt einmitt nákvæmar dagbækur áratugum saman, með nákvæmum upptalningum á t.d. hvert hann fór, hvað hann dvaldi lengi, hverjir aðrir komu við og hve lengi þeir dvöldu.  Og ávalt veðurlýsingar.

Nánar um skilgreiningar Temple Grandin á þessum þremur flokkum má sjá hér.  Endilega setjið inn skoðanir ykkar á fyrirlestrinum og kenningum hennar hér í athugasemdir.

Kær kveðja,

Helgi Þór

Við erum tilbúin að taka við skráningu þátttakenda á námskeiðin!  Smellið á “Skráning á sumarnámskeið 2010″ hér fyrir ofan.

Skráningin verður opin í tvær vikur, til 28. apríl.  Við hvetjum ykkur til að skrá sem fyrst og tilgreina sem best það sem spurt er um í skráningarforminu.  Ef eitthvað er óljóst, þá skuluð þið endilega setja inn athugasemdir hérna á bloggið.

Kær kveðja,

Þekkingarhópurinn Minn Styrkur.

Kær kveðja,

Þekkingarhópurinn Minn Styrkur

Staðfest atriði varðandi námskeiðið

• —3 námskeið sem standa í 2 vikur hvert, þ.e. 9 virkir dagar.
• —Heilsdagsnámskeið (9-5?), hádegismatur innifalinn —
• Sniðin fyrir
  • —Getumeiri einstaklinga á einhverfurófinu —
  • Aldur: 12-18 ára —(fædd 1992-1998)
  • Fjöldi:  Allt að 14 pr. námskeið
• Staðfestar tímasetningar:
  1. Námskeið: 14. júní – 25. júní (Þjóðhátíðardagur Íslendinga 17. júní
  2. Námskeið: 29. júní –  9. júlí (Mánudagurinn 28. er starfsdagur leiðbeinenda)
  3. Námskeið: 13. júlí – 23. júlí (Mánudagurinn 12. er starfsdagur leiðbeinenda)

Ennþá óstaðfest:

• —Húsnæði??? —  Þetta er brýnt mál, við óskum eftir ábendingum ykkar um hentugt húsnæði t.d. grunnskóla.
• Verð: 20.000
• Stuttmyndagerð —?
• Næturgisting í Alviðru (1 nótt,seinni fimmtudaginn) —?
• Matarboð fyrir foreldra?

Sjá einnig glærurnar okkar af fundinum:  Minn Styrkur – Sumarúrræði UE 25.03.10

Við munum auglýsa skráningardag um leið og það liggur fyrir, vonandi sem fyrst:)

Dagskrá var á þann veg, að í hádeginu voru þrjár kynningar og umræður.   Eftir hádegi var heimildarmyndin Sólskinsdrengurinn sýnd, sem var viðeigandi því myndin var kveikjan að verkefinun.  Soroptimistaklúbb Reykjavíkur er bakhjarl verkefnisins.  Verkefnið hlaut einnig styrk frá Forvarnar- og framfarasjóði Reykjavíkurborgar.

Tilgangur með verkefninu er að skapa nýtt úrræði fyrir unglinga á einhverfurófinu í formi sumarnámskeiða.  Þar verður leitast við að uppgötva styrkleika þeirra með ýmis konar fræðslu og skemmtilegum vettvangsferðum.  Gert er ráð fyrir að hvert námskeið standi í 2 vikur og á hverju námskeiði verði 12-14 þátttakendur.

Sjá nánar um aðdraganda verkefnisins og hugmyndir í þróun í eftirfarandi glærum:

Minn Styrkur – Hugmynd að sumarnámskeiði verður til

LV1 – Þróun sumarnámskeiða

LV2 -Þekkingarsafn

Kynningin fer fram í salnum “Bratti” við Stakkahlíð, þann 5. febrúar frá kl. 12-15:00.

Dagskráin er svohljóðandi:

Kynningin er hugsuð jafnt fyrir foreldra, fagfólk og nemendur Menntavísindasviðs, þátttaka ókeypis.

Þægilegast er að leggja við og ganga inn í  Hamar við Háteigsveginn, salurinn Bratti er í því húsi.

Laugardaginn 23. janúar auglýsti Umsjónarfélag Einhverfra eftir umsjónarmanni námskeiða fyrir einhverfa unglinga, sem haldin verða næsta sumar.  Umsóknarfrestur er til 31. janúar, auglýsinguna má sjá hér.

Námskeiðin kallast “Minn Styrkur”, enda er markmið þeirra að efla félagsfærni og uppgötva styrkleika einstaklingsins.  Í drögum að námskrá er gert ráð fyrir fjölbreyttri fræðslu fyrir 12-18 ára unglinga, s.s. stuttmyndagerð, heimilisfræði, fræðslu-og leikjahugbúnaði og vettvangsferðum.

Endanleg umgjörð og efnistök námskeiðanna verður kynnt þann 5. febrúar í Stakkahlíð, dagskrá verður birt hér á morgun.  Einnig munum við birta úrdrátt úr könnun meðal foreldra á næstu dögum og hvetjum alla áhugasama að fylgjast með hér á blogginu og mæta á kynningardaginn 5. febrúar.

Við bendum á áskriftarhnappinn hér til hægri, þannig getið þið fylgst með reglulegum fréttum af verkefninu.

Væntanlegar eru fréttir af fjárstyrkjum sem okkur hefur hlotnast og einnig niðurstöður úr könnuninni.